સ્નેહી ગ્રામજનો, વડીલો, માતા-બહેનો અને યુવા સાથીઓ,

ગત ૫ વર્ષ પહેલાં આપે મારા પર મૂકેલા અતૂટ વિશ્વાસને મેં શ્રદ્ધાપૂર્વક સાચવવાનો પ્રામાણિક પ્રયાસ કર્યો છે. "વાતો નહિ, પણ પરિણામ આપવું" એ જ મારો એકમાત્ર ધ્યેય રહ્યો છે.

આજે આપણું શીશંગ ગામ આધુનિક પ્રાથમિક શાળા, સુસજ્જ ગ્રામ પંચાયત ભવન, સતીમાં ડેમ, પાકા રસ્તાઓ, ગૌશાળા સુરક્ષા, મોક્ષધામ કાયાકલ્પ અને ઘરે-ઘરે નળ કનેક્શન સાથે તાલુકામાં મોડેલ ગામ તરીકે ઊભરી આવ્યું છે. આ તમામ કાર્યોમાં ગામના દાતાશ્રીઓ, વેપારીઓ અને પ્રત્યેક ગ્રામજનનો મને જે સાથ-સહકાર મળ્યો છે તે બદલ હું હૃદયપૂર્વક આભાર વ્યક્ત કરું છું.

આગામી ૫ વર્ષ (૨૦૨૬ - ૨૦૩૧) માં શીશંગને સૌર ઊર્જાથી સ્વયંપૂર્ણ સોલાર વિલેજ બનાવવું, ગામમાં આધુનિક લાઇબ્રેરી-ડિજિટલ અભ્યાસ કેન્દ્ર, સ્પોર્ટ્સ ગ્રાઉન્ડ અને ખેડૂતો માટે અદ્યતન એગ્રીકલ્ચર સુવિધાઓ ઊભી કરવાનો અમારો સંકલ્પ છે.